مسارات
أحدث الأخبار
استطلاع للرأي
فيديو وطن
مواقع ومدونات
وائل ...قلب الأسد
لما جه الدكتور وقاللى بالسونار مبروك ولد ..قلبى انسعد...
انا اصلى احب المجدعة ..وقالوا تربية الولد عاوزة الجلد..
وانا عاوزة ابنى يكون وتد ..
ربيته عالغالى وعلمته الرجولة ..من صغر سنه كان سند ..
انا فاكرة اول يوم يروح المدرسة ..وشه المسمسم ..كان احلى واد فى المدرسة ...
كان اد ايه شكله جميل ..كان الوحيد اللى اترسم ...ليا ابتسم ..
وقال يا مامى روحى انت ومتخافيش ..انا مش هاعيط متخافيش انا اصلى راجل والرجولة بدون شجاعة متساويش ..
يحميه ولد..
فى الثانوية ..
جنن العقل اللى فيا ..
كان يذاكر مش كتير ويقول يامامى متقلقيش انا عاوز اطلع انجنير ..
وكل همه يفتل العضلات ويشغل فى البنات ..وكان حرك يكره نطاعة الحس يلعن ابو خاش السكات
اصله كان حلو وخفيف الضل.. قلبه صافى عمره مايعرفش غل ..
كان زمايله يعشقوه ..وكان أمين سر لأبوه ..
هو دونا عن خواته ...رغم ذلك يعشقوه ,,
اصله الكبير..وحبيب اخوه ...
ضحكته لما يصبّح .
لما ييسعدنى ببوسة و القى برفانه مفحفح
واما طلعت النتيجة يا حبيب قلبى لقيته مالاوائل ...
يحميك يا وائل ...
من فرحتى اغمان عليا معقولة ابنى باشمهندس حقق الامنية ليا؟؟ ..
اصله غاوى الهندسة ..
اهلاوى اصلى.. التراس والقلب مصرى ..واللعب فن ومدرسة ..
دى كلمته ودى ضحكته ..ولما قامت ثورته ..طلع الولد اصله أسد ..
نزل الميدان يحمى البلاد من وحش كان قاعد على قلب العباد .. ..
نزل الأسد ..
وفكل مرة كان بينزل قلبى عمره ما انقبض ..
معرفش ليه ..
انا كنت حاسة ان ربى بيحرسه.وكان معاه قرآن ومصحف فى الميدان بيونسه ..
عدت سنة والحلم لسه بينولد
وولادته صعبة انما على مين انا ابنى وتد ...
كانت حكاويهم بترفع راسى نحو الشمس ...ضهرى بيتسند ..
لكن اما سافر بورسعيد قلبى انقبض ..
معرفش ليه قلبى انقبض ..ا
مش خوفى من أهل المدينة دى بورسعيد يا غريب مدد
لكن بقلب الأم شايفة الديب معشش فى البلد...مستنى يغدر بالولد ..
سلم عليا وباس ايديا قاللى ادعى.. قلت له قلبى وربى يا حبيب راضيين عليك وانا كلى ليك ربى حاميك ... ..
راح الأمل راح واتقتل ..
خنقوه بكوفية فلسطين اللى كانت غيته ...رغم انه سلمى والعنف ده مش سكته ..
.خنقوه خفافيش الظلام اللى عايشة فى الهدد ...
قتلوه عشان ماتقومش قومة للبلد .
قتلوه عشان الحلم عمره ما يتولد ...
.لكن هههأ على مين... انا عندى غيره اتنين ...
هيموتوا؟؟ طب مايموتوا غيرنا لسه مكملين ..
والحلم لازم يتولد ..
هيموت اسد وحيتولد بكرة يا مصرعشر ميت مليون اسد..
وبكرة ياغابة هنخلص مالديابة
وهيحكمك قلب الاسد