إخبارية سياسية - لاسعة - لاذعة - حاقدة - غير محايدة

ايها المتحرش لحظة من فضلك

9879671960

بقلم / احمد صلاح محمود   معلش خدنى على قد عقلى واعتبرنى واحد صاحبك وعاوز يدردش معاك دقيقتين ايه يعنى دقيقتين يا اخى هو انت بخيل ولا ايه ده انت ابو الكرم كله مش كده ولا ايه
ايه حكاية التحرش معاك وليه كده وايه نوع المتعة الغريب اللى بتحس بيه لما بتأذى بنت غلبانة وقعها حظها فى طريقك ؟ ايه الرجولة فى كده ؟ بجد انا عاوز منك اجابة مفيش مرة فكرت ان ده ممكن يحصل لأختك او امك او زوجتك او بنتك او اى واحدة قريبتك ولو من بعيد حتى ياترى
 ح يبقى ايه احساس سعادتك ساعتها ؟
خلاص انا قريت الاجابة فى عينيك ومش محتاج اسمعها ارجوك لازم تقف مع نفسك وقفة وتراجع تصرفاتك لازم تعترف انك غلطان وانك مدين باعتذار للمجتمع كله تصرفك ليس فقط حرام وغلط بل صدقنى جريمة متكاملة الاركان  تصرف فيه قلة ضمير وامانة وانعدام للرحمة والمروءة
ارجوك فكر فيما قلته لك …فكر فيما يقوله لك قلبك ويمليه عليك دينك
تذكر نظرة الناس الكريهة لك اكسب احترامك لنفسك واحترام الجميع حين تقلع عما فى رأسك من وساوس واخطاء
ايها المتحرش عد الينا شخصاً سوياً وانساناً عاقلاً وعنصراً مفيداً ناجحاً نحن فى انتظارك لا تتأخر كثيراً

[email protected]
 

قد يعجبك ايضا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد