إخبارية سياسية - لاسعة - لاذعة - حاقدة - غير محايدة

أطرف التعليقات على انقطاع الكهرباء في مصر: مفيش حد بيشتغل بضمير اكتر من الراجل اللي بيقطع النور

أشعل انقطاع التيار الكهربي عن العديد من محافظات الجمهورية في وقت واحد، صباح اليوم، عشرات التعليقات الساخرة على موقع التواصل الاجتماعي “فيس بوك” والتي هاجمت أداء الحكومة وسخرت من انقطاع الكهرباء لفترات طويلة دون سبب واضح.

 

وقالت “Sallina Astkm”: “حد يصحي الريس بسرعة علشان يخلي وزير الكهربا يحط الفيشة تاني زي المرة اللي فاتت. وبالمرة يقول لوزير المية يشيل رجله من عالخرطوم علشان المية نازلة سرسوب”.

 

 

 

وتابعت “انا ساره”: “انا بحس ان مفيش حد بيشتغل بضمير في مصر اكتر من الراجل اللي بيقطع النور “.

 

 

 

وأشار “Ahmed Mossad Diabian” إلى أن :”النور قطع على مذيعة سي بي سي اكسترا وهي بتقول خبر قطع الكهرباء  “.

 

 

 

وأضاف :”Ahme Mustafa”: “أهم حاجة إن الأطفال الحمد لله بطلوا يموتوا في الحضانات لما تقطع الكهرباء زي أيام مرسي”.

 

وقال “Mahmoud Farouk”: “اشاعات مليه البلد ان النور قاطع .. طب ايه رأيكم ان النور النهارده بقى قعد اكتر من ساعه مقطعش .. انتم بتقولو ايه يا جماعه”.

 

وسخرت “باب الريان حنين” من انقطاع الكهرباء قائلة: “إسرائيل منوره بفلوسنا ومصر منورة بأهلها”.

 

وطرح “Mohamed Mostafa” حله الساخر لحل أزمة الكهرباء قائلاً: “الحل نشترى حجارة قلم بقى”.

 

وقال “Ashraf Hamdi”: “مافيش أكل ولا فيه ديليفري راضي يوصل أكل عشان قطع الكهربا ولا انا باكل في الضلمة أصلا ولما الكهربا بتقطع بتتقطع معاها الميّة كمان.. حتموتوني يا ولاد الكلب .. حتموتوني جعان وعطشان ومنقوط ومفقوع ومش حيلاقوا ميّة يغسلوني يا كفرة”.

 

وأضاف: “Amr EL Nahdawy” :”عاجل … عودة مرسي والشاطر والبلتاجى وصلاح سلطان و صفوت حجازى وأبو إسماعيل بقيادة بديع إلى السجن بعد ضرب محطات الكهرباء اليوم الخميس تمت العمليه بنجاح”.

 

وقال “‏ahmedmohie”: “لا دا ننوس عين أمه بيخفف الأحمال سقطت الشبكة كلها الراجل بتاع السكينة ابو ٢٠ ج اترقي ومسك مدير في الشبكة “.

 

وأكد مصدر مسئول بوزارة الكهرباء والطاقة المتجددة أن انقطاع التيار الكهربائى، صباح اليوم الخميس، عن عدد من المناطق التابعة لمحافظتى القاهرة والجيزة جاء أثناء إجراء مناورة لدائرة 500 كيلوفولت غرب القاهرة، حدث بها عطل فنى أدى إلى خروج وحدات التوليد من الخدمة بغرب القاهرة مما أدى انقطاع التيار.

 

وقال فى تصريحات لـ”مصر العربية ” إن هذا العطل أدى إلى عزل السد العالى عن الوجه البحرى حتى أصبح الوجهان (البحرى والقبلى) معزولين عن بعضهما، مما أدى إلى انقطاع التيار عن المناطق التى لم تدخل فى نطاق تخفيف الأحمال، ومنها انقطاع التيار عن مدينة الإنتاج الإعلامى، وتوقف حركة قطارات ومترو الأنفاق.

 

قد يعجبك ايضا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد