أرشيف - غير مصنف
“أبو العبد الفلسطيني ” يفاوض نتنياهو
بقلم : منذرارشيد
أبو العبد الفلسطيني هو الإنسان العربي المسلم الشهم ,صاحب النخوة والكرامة , الفدائي والمقاتل والعامل والموظف والجندي ووالخ” أبو العبد من مكونات شعبنا العظيم “هو الضمير الحي الذي يحلم بالحرية والعودة والنصر
بعد أن استمع أبو العبد الفسطيني إلى خطاب نتنياهو قرر أن يذهب ويتحدث معه ويحاوره يفاوضه كيف ما اتفق”
حاول صديقه أبو علي أن يمنعه وقال له .
.
أبو علي :يا زلمة يعني إنت ضامن إنك توصل إلى نتنياهو..ما إنت عارف الطريق كلها جيش ومستوطنات وغيرها من الأمور يا زلمة بتموت قبل ما توصل وبعدين يا عمي شو بدك تعمل إنت وعشر سنوات من المفاوضات ما جابت نتيجة.!
أبو العبد : راح أحاول وإن متت انا مش أحسن من اللي ماتوا يا زلمة , هذه قضية فلسطين و مش سلة تين .!
أي بكفي موطحة ومطمطة “وخذني جيتك” رايحين جايين بقى لهم سنين”دوخونا يا أبو علي , ذبحونا و ذبحوا شعبنا ” زهقنا بكفي عاد , قالوا لنا و وقلنا لهم ..وآخر النهار بيجيك سميك أبو علي صائب يبكي ويلطم ويصرخ ويعصب علينا وكأننا ملطة ما بكفينا همومنا قال بيعصب وبيصير يقول لك (لا يريدون السلام )
أي شو هاظ يا عمي ولك إنذبح شعبنا واتقسم ضفة وغزة , و اللي بدو يقاوم كذب , واللي بدو يساوم.! وغير الي بقول لك هاي أبو ماما أجا يحلها ” واصبروا عليه شوي “ بس أربع سنين تا يعرف يقعد ويستريح , لويش مستعجلين عليه .!
أبو علي : يا أخي يعني أوباما قديش صار له رئيس .!
يا اخي بدو أكم سنة تايقعد و يتنحنح ,و هيوتو شادد حاله من أولها بس يا عمي ما بيطلع في إيدو إشي , يا عمي حواليه لوبي كبير , مش مثلنا مقطعين موصلين مهتريين.!
أبو العبد : يا زلمة صار جاي عشرين رئيس أمريكاني واحنا بنسمع أنه هو اللي بدو يحلها ”وكأننا لازم نستنى كمان عشرين رئيس جايين وهااااااااااهت حلها..!
ذهب أبو العبد عبر الحدود متسللاً وهو يعرف الطريق جيداً , فقد كان فدائياً أيام الشباب وكأسيرٍ أمضى زهرة شبابه في السجون ويعرف العبرية بطلاقة
تجاوزالحواجز و الكمائن حتى وصل إلى القدس
وقف أمام مبنى الحكومة الإسرائيلية حتى مر نتنياهو بسيارته فنادى عليه قائلاً :
ولك هي يا نتن ..ولك هي يا ياهو إسمعني بدي أشوفك
توقف موكب نتنياهو بعد أن هاجم الحراس أبو العبد وانهالوا عليه ضرباً
نزل نتنياهو من السيارة وسأل ما الذي يجري ..!!
فقيل له أن الرجل بدون سلاح ويقول أنه يريد مقابلتك والتحدث معك “
قال : بسيدر أحضروه إلى مكتبي
دخل أبو العبد إلى مكتب نتنياهو وهو منهك جراء الضرب
سأله نتنياهو قائلاً ما ذا تريد ..!
قال :بدي أتحدث معك يا نتن
نتنياهو : شو نتن ولك .. إنت ما بتستحي.!
أبو العبد : يا عمي أنا ما كملت وإنت مجرد ما أنا قلت نتن قاطعتني يا نتن ..!
نتنياهو: إخرس إنا مش نتن
أبو العبد : يا نتن ما إنت بتقاطعني وأنا بدي أكمل , و قبل ما أقول ياهو بتدقر على نتن “أي شو أعملك .!
نتنياهو :نتن نتن طيب خلاص و بلاش فلسفة , إيش بدك .!
أبو العبد : بدي أفاوضك
نتنياهو : تفاوضني ..! في معك تفويض .!
أبو العبد : شو التفويض يا عمي
نتنياهو : تفويض من كبير مفاوضين
أبو العبد : كبير مفاوضين مين.! (ولك ما في أكبر مني أنا )
نتنياهو : إنت ..إنت مين ..!!
أبو العبد : أنا الشعب الفلسطيني وأنا إلي بعطي التفويض
نتياهو: الشعب الفلسطيني آه أكلت هوااا , طيب هات من الآخر
أبو العبد : يا عيني عليك يا نتن …..يا هو
نتنياهو : أيوا هيك صح بس لو بتقولها مع بعض وبسرعة ” ماشي شو بدك.!
أبو العبد :قلت لي شو بدك …!
شوف يا نتن ” وما بدي أرجع من أول وكيف أخذتوا بلادنا وشردتوا شعبنا وقتلتوا الالاف ..
أنتم بتقولوا بدنا سلام بس شو هالسلام وانتم مش معترفين فينا ومبلشين ذبح وسلخ وتشريد عن جنب وسوى .!
أي شو هالسلام وقتلتوا زعيمنا اللي عاهدكم على السلام ..!
أي سلام هذا..وانتم بتوكلوا كل يوم أراضينا , ومليتوها مستوطنات.! سلام إيش وانتم ما خليتم النا شيء في القدس مسرى نبينا محمد عليه الصلاة والسلام .!
نتياهو: يا خبيبي أنا بعطيكم دولة منزعة سلاح وقابل حياة وما في عودو ولا قدس شو بدك أكثر..!
أبو العبد : شو دولة شو ..! يعني قصدك دولة دايت ” منزوعة أيش , منزوعة الدسم أيوااا , وقابلة للحياة ..! ما شاء الله على هيك دولة .. يعني من قلة الموت , مش هيك .!
وشو رأيك تعمل نظام توزين لكل فلسطيني وتقول
( ممنوع زيادة كيلو عن الوزن المقرر ) وشو رأيك حتى ممنوع حمل سكين مطبخ
نتنياهو: نعم ممنوع حمل سكين نعم نعم ,ويكون في علمك ممنوع هاي الأسماء مثل أبو بارودة وأبو كلاشن وأبو سيف وأبو العواصف وأبو سكين ”اسمع كمان ولا أبو خوصة “لأني بعرف
أنتم بتقولو عن سكين خوصة ممنوع خوصة فاهم أبو العبد يعني منشان تعرفوا إننا بنعرف كل مصطلحاتكم وتسمياتكم”
انتم بتقولوا عن السكين خوصة “وما تضحكوا علينا
أبو العبد : ول ول ول معقول هذا يا نتن.!
طيب وين نروح بأبو خوصة ..!
نتنياهو: مش شغلي ممنوع ولا خوصة ولا أبو خوصة ” لأن بنخاف واخد يخمله ويضربنا فيه
أبو العبد :ول ول ول هذا مستطضرطيننا على الآخر
نتنياهو :طبعا ولا شو بتفكر إنت .! روحوا صلحو حالكم واعملوا سلام بينكم بالأول وانتم بتقتلوا بعض أكثر منا “أنتم متفرقين ومش موحدين ليش نخاف منكم..!
أبو العبد يخبط على الطاولة فيهزها فيرتعب نتياهوا وقد صرخ أبو العبد قائلاً: إسمع يا نتن.. وبدون ياهو هالمرة ” بتفكر إني جاي العب معك مثل غيري.! مفاوضات وملاكعة وتضيع وقت
نتياهو: طيب يا ابو العبد ما دام هياك “وعلى شو جاي تفاوضني ..!
أبو العبد :أنا جاي أقول لك أنك غبي ” لأنك لو بدك الستيرة والسلام كان قبلت اللي قدمته المنظمة من أوسلو, وبعدين المبادرة العربية مالها , المبادرة العربية.!
ولك عمركم ما كنتوا بتحلموا فيها ..العرب بيقولوا لكم ..
رجعوا حقوق العرب وخذو سلام واعتراف وتطبيع وتطبيل وتزمير وتبويس, منها وفوق “يخرب شركم, ولك فرصتكم وأبو مازن موجود الان ” وهو بيقول السلام خيار استراتيجي “ضيعتوا كل الفرص روح الله لا يردكم
نتنياهو: ها ها هههه يخرب شرك ..انت أبو العبد بتحكي جد .!
أبو العبد : نعم بحكي جد يا نتن
نتياهو يضحك حتى يكاد يغمي من الضحك هههههه ويقول :
ولك شو سلام هذا” وشو مبادرة عربية هذه .!
ولك إحنا بدنا نركعكم من المحيط إلى الخليج وما بدنا نعطيكم شيء يخرب بيتك أبو عبد شو مسكين ” وكمان جاي تقول لي حقوق أي حقوق هذه..! ولك إنت عمرك سمعت إن اسرائيلي أو يهودي بيعطي حقوق أو برقوق .!هذا انت أهبل خبيبي أبو عبد
إحنا بدنا نرحل كل فلسطيني من دولة اسرائيل , كله بره بره بره
أبو العبد قائلاً: إسمع يا نتن …. وبدون ياهوهالمرة
نتياهو : مالك أبو العبد مش هيك اللي بدو يفاوض .!خليك رايق وهدي أعصابك خليك مثل أبو علا وأبو علي وابو بشار
كانوا ياتوا عندنا ويسلموا علينا ويبتسموا ويحكوا معنا بكل أدب
عمري ما سمعت واخد منهم رفع صوته ” وكانوا يخرجوا بالقبلات والابتسامات والإحترامات “ وإنت بتضرب على طاولة وبتصرخ وبتحكي معي بدون إحترام ” هذا ما بيصير, هذه مش دبلوماسية.
أبو العبد : بالله .! كان يخرجوا من عندك باحترام مش هيك .. وشو قبضنا وصرفنا يا نتن .! عشر سنين وأنتم قتل وذبح فينا وهم بيطلعوا من عندكم بالسلامات والاحترامات والقبلات
طيب ما دام كانوا محترمين لهالدرجة “ ليش ما كرمتهم برفع حاجز واحد أو فتح طريق أو فك مستوطنة .!
نتنياهو: شوف خبيبي إخنا صحيح مجرمين ومصاصي دماء بس إحنا مش كذابين ولا نصابين مثل ما قال هذا صاحب بيلين اللي بيلعب على الحبلين
إحنا ما وعدنا حدا بشيء ” بس جماعتك هم إلي مش راضيين يفهموا إننا يهود ملاعين ” ومش قادرين يصدقوا ألرب إللي هو أصدق منا ومنهم .!
يا خبيبي إذا الرب بيقول في كتابكم , أننا لا نعطي شيء بنأخذه “
إذا الرب بيحذركم منا وبيقول لكم لا تصدقونا ” وإنتم مصدقيننا ونحن بنقول لكم أننا أولاد .. “ك” وبنفرجيكم كل يوم إجرامنا وتدميرنا وسرقتنا لأرضكم “ وانتم لاحقيننا تستجدونا مثل الشحاتين شو نعمل ..إنت قول لي شو نعمل .!
ولك أبو عبد إذا الرب بيقول لكم لا تأمنوننا ولا تتولونا ولا تمشوا روائنا “وانتم ماشين بتلهثوا ورائنا ” يا خبيبي هذا مش ذنبنا “
إنتوا ما بتصدقوا الله ومحمد ” هل هذا ذنبنا يا أبو العبديا خبيبي.!
أبو العبد : حبك برص يا نتن ” هيك لعاد .! وهياك قلتها بلسانك وإحنا والله عارفين ومصدقين ربنا من زمان ” وبنقول يا ناس إفهموا”و مش راضيين يفهموا.!
نتياهو: شايف أبو العبد العيب عندكم مش عندنا خبيبي
أبو العبد : صحيح العيب عندنا مش عندكم ” وهاي صدقت فيها
بس يا نتن بوعدك إن شعبنا راح يصحى من سباته
ولا تنسى أنكم راح تقلبوا عاليها واطيها في يهودية الدولة”
وهذا الشعب الفلسطيني إلي قاعد في فلسطين التاريخية “
هذا قنبلة ستنفجر في وجوهكم ,لأنكم بتفكروا إنه من السهل إن تخلعوه من وطنه .! لا يا نتن لا يا نتن , لا وألف لا
هذا شعب عظيم ” هذا شعب خبزكم وعجنكم وعرفكم على حقيقتكم
إنتم اليوم متفرعنين …ومعكم حق ..وقال يا فرعون مين فرعنك .! قال ما لقيت حد يردني ” ولكن صدق إن في من سيأتي ليردكم عن طغيانكم ..و يوم الطوفان جاي , جاي , يا فرعون زمانك سينتهي يوم يأتي أمر الله, و يتبدل كل شيء يا نتن
والكبير ما بيظل كبير, والقوي ما بيظل قوي , والضعيف ما بيبقى ضعيف, والزمن دوار ” وهذا شعب الجبارين .. ويوم الطوفان جاي يا فرعون …جااااي جاااااااااااي
أتى أمر الله فلا تستعجلوه ..الآية
( أُذن للذين يُقاتَلون بأنهم ظلموا وإن الله على نصرهم لقدير) صدق الله العظيم
