إخبارية سياسية - لاسعة - لاذعة - حاقدة - غير محايدة

بان كي مون ..Ban Ki-moon

بان كي مون

Ban Ki-moon

 شعر بالعامية

بقلم:عبد الحميد عبد العاطي

محرر شبكة الكاتب العربي

[email protected]

http://abedalati.blogspot.com

 

SUNP0024 

دعانا وما ظل حدا ما دعانا

دعانا بان كي مون

ومن قبله

ساركوزي وسولانا …

ودعانا  موسي وعبد الله صالح

لقمة تقسيم المصالح …

وعبد العزيز شيخ الشيوخ بمكة

أبو العقال والحكة

ما قدر يركب جمل

ولا يرقص بالمتكة …

ومبارك أستاذ  الجدال

داير كعب حال

مختار بقضية صفت بالرمال

صفت معبر وراتب واقتتال

على سلطة أصلا

محتلة من الاحتلال …

شو .. شو .. لوين انتو طايرين

بغزة وبضفة وبتسلكوا دولة

مساحتها ما بتتعدى شبر بفلسطين …

الوطن مش كنيسة وقدس

ولا مواطن بسلم بكابونة عدس …

الوطن ارض وعرض

وشعب موحد عالامل ما بتعترض…

الوطن مش بالفحالة

ولا بحكومة شريعة ولا بمقالة 

الوطن بدو وطن ليكون وطن

بدو نتذكر أسرانا  وهجرتنا

وبيت الطين وبيارتنا

بدو ما نسل كرامتنا

وما نساوم بعروبتنا ولا بثورتنا  

بدو جسد من مسد

ما يفرقوا مال ولا ولد …

بدو نير أفكارنا

ونحيد عزرانا بكبارنا

بدو بلد من الحدود للحدود

وعالكتف رشاش

وأنشودة حنعود

ونردد بالعالي

يا غاصب راح نعود

بالسلام بالكلام بالبارود

مش مهم راح نعود

راح نعود ..

يا مهد الفدا والجود

راح نعود..

قد يعجبك ايضا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد