إخبارية سياسية - لاسعة - لاذعة - حاقدة - غير محايدة

عَلَى ضَىِّ القَمَرْ

jenedeمحمد محمد على جنيدي
 
علــى ضــــىِّ الـقَمـــر كــنَّــا زمــان بــنحــب
زمان كان للهَوَى مَعْنَى وإحســاس قلب
وعـشْـنــا أد ماعـشنـا ودُوبْنا أد مادُبْنا
وكان يرضينا نتقابل بشوق وحنـين
وكنَّا كتير بنتواعد بنظرة عين
كدا من غير خصام بنَّـا ولا كـلمة وداع وسلام
كدا حُكم القدر فينا يكون اقوى من الأيَّام
جَرَى لنا إ يه بِعِدْنَا ليه
على ضـىِّ القمــر كنَّا
زمان بنحب
 
بفَـكَّـــر فــى لـيالـيـنـــا لـيالــى الـحـبِّ والأحـــــلام
واقــــول ياربّ كــان لـينا هِـنَا بِنَّــا لُقَـا وكــــلام
ودى النِّسمه اللـى ويَّـاها سَوَى ضَـمِّينا فرحتنا
ودا النَّبــع اللى هنَّـانا معـاه كانت بدايـتـنــا
ودا ضىِّ القمر لِسه بيسأل فين حبايبى فين!؟
بَعَتْ نوره مع النِّسمه تونِّسْنا بَقاله سنين
كدا من غير خصام بنَّـا ولا كلـمــة وداع وسـلام
كدا حُكم القدر فينا يكون اقوى من الأيَّام
جَرَى لنا إ يه بِعِدْنَا ليه
على ضـىِّ القمــر كنَّا
زمان بنحب
 
علـى ضــىِّ الـقمـــر هَبْقَـــى على ذِكْــرَى أعيـش فـيهــــا
ومهمـا تـمـرِّ ف. بعادنـا سنـيـن هَـفْـضَـل أراعـيهــا
دا باقـى ع. الغصـــون كلمـــــــة بحبَّك، يامـا قولناهــــا
ورسـمـة قلـب عـاش بِنَّـا ليالـى كـتــير سِِـهـرناهــا
أنا مانْـسِتـْش أيَّـامَـك حـبـيـبـى ازاى تِتُــوه عنِّــى
ولا انت ف. يوم شَكِيت حالك وعشت سنين تِطَمِّنِّى
كدا من غير خصام بنَّـا ولا كلـمـة وداع وسـلام
كدا حُكم القدر فينا يكون اقوى من الأيَّام
جَرَى لنا إ يه بِعِدْنَا ليه
على ضـىِّ القمــر كنَّا
زمان بنحب
 
محمد محمد على جنيدي
اختيار من ديوانى ( عيونك حبيبى ) تحت الطبع 
9 شارع مصطفى كامل المتفرع من شارع الجمهورية / بنى سويف / مصر
ت. محمول / 0020105785807
ت منزل / 0020822314602
قد يعجبك ايضا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد