لما مصر .. تأن فى صوتها ..
وتصرخ .. فى مخاضها ..
آه و آه ..
يبقى فيه بكره ..
نجاه .
يبقى فيه مولود جديد ..
بدل اللى..
تاه.
واللى مات فى الميدان ..
وبإيد جبان ..
واللى أجبن منه شاله ..
حطه فوق كوم “الزباله” ..
بدون ..
صلاه .
بكره فيه مولود جديد ..
همته هتعلى رايتنا الحزينه ..
بعد خلافتنا المشينه ..
بعد صراعتنا المهينه ..
صدقونى ..
بكره فيه مولود جديد .
دمه طاهر ..
قلمه شاهر ..
لونه ظاهر ..
صوته جاهر ..
أما دينه ومذهبه ..
أما حزبه ومطلبه ..
هو ..
مصر .
هو ده الأمل الوحيد
هو ده الحل المفيد ..
هو ده الرأى السديد ..
هو ده العقل الرشيد ..
هو ده ..
مولود جديد ..
غير كده ..
فالكل فى ساحة اللجاجه ..
والسماجه ..
تربتك يامصر .. ياصامده وصابره ..
ياللى فى الم المخاض ..
شدتك واضحه
وظاهره ..
يام بطن خضره
طاهره ..
غير كده ..
تربتك يامصر ..
أولى بيه !
~~~~~~~~~~
شعر د/ يحيى الشيخ