إخبارية سياسية - لاسعة - لاذعة - حاقدة - غير محايدة

هنلاعبه عالشناكل ونفيشله الهوامش ومسيرك يا ملوخية تقعي تحت المخرطة

كشف الإعلامي محمد ماهر عقل عن رأيه في الأحداث الجارية بعد إعلان عبد الفتاح السيسي رئيسا للجمهورية .

 وقال عقل في تدوينة: في حد هنا زعلان ان السيسي كسب ومتأثر من المؤتمر ( قال يعني مكناش عارفين من ١٠ شهور انو هيكسب ) .. عمال تستدعي صور الشهدا اللي قتلهم السيسي والمعتقلين اللي في سجونه وشايفه قدامك بيغتصب منصب اللي راح نصبه فيه مايجوش ربع اللي راحوا في اي استحاق بعد الثورة ..انا حاسس بيك .. بس عايز اقولك افتكر الآية دي كويس ثم يهييج فتراه مصفراً ثم يكون حطاما .. عايز اقولك ان دي اول مرة بعد الانقلاب يكون الهدف بتاعنا محدد ومحاصر اكتر ..اول مرة يكون خصمك في موقع المسؤولية المباشر عن الدولة كلها يعني مسؤول عن كل فشل وعجز وإخفاق وكارثة ..مسؤول عن ده قدام انصاره قبل خصومة .. 

اول مرة يبقى واضح السهم هنرميه فين بالضبط رغم اننا لسه متفقناش هنواجه ازاي وهنبدأ منين وهنتجمع تحت اي شعار وهنتكلم عن اي هدف وده هيكون اكبر تحدي قدامنا الفترة الجاية وعشان نتخطاه هيكون فيه شوية الم لما نواجه نفسنا بشوية حقايق في الطريق .. بس هنتجمع يعني هنتجمع.. 

وأضاف: الخلاصة ان اللي في السلطة اضعف من اللي بيعارضة دايماً مهمة السيكو ده اصعب مننا رغم اني كمان متوقع ان فيه تحسن مؤقت وهمي هيحصل السنتين الجايين بالفلوس اللي هتيجي من الخليج لكنها هتفاقم وضع الاقتصاد اكتر..المهم ان اللي في السلطة دايماً بيدافع عن نفسه قلقان على موقعه وخوفه من الفشل اعلى ..احنا مش خايفين على حاجه وسقفنا عالي هنضربه من كل اتجاه وهنضعفه ونفشلة ونشتته ونجهز عليه .. 

طيب اقولك على سر ..الفيلم الجاي عن السيسي والرجالة اللي زي الدهب. 

وأردف: ياجدع اتبسط ده احنا هنخططله وهنلاعبه عالشناكل وهنشيهصه وهنركبله الفلنكات و نعلقله الرمانه ونفيشله الهوامش والجيم مفتوح ..ده هيشوف ايام سوده ..ومرة تانية مسيرك يا ملوخية تقعي تحت المخرطة

 

قد يعجبك ايضا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد