إخبارية سياسية - لاسعة - لاذعة - حاقدة - غير محايدة

تفاصيل مكالمة السيسي ومحمد بن زايد.. معندناش نهر مصاري بنغرف منه

كشف العقيد عمر عفيفي – الضابط اللاجئ بالولايات المتحدة – أن “مصادره” رصدت مكالمة للرئيس عبد الفتاح السيسي وأحد حكام الخليج .

 

وقال عفيفي في تدوينة علي فيس بوك : التقطت مصادرنا مكالمة في غاية البشاعة والفضيحة في اتصال تم بين السيسي وأحد حكام الخليج ( نتحفظ علي أسمة مؤقتا لأعتبارات أمنية ) والذي قال له السيسي ان الوضع الأقتصادي المصري سئ جدا والتحديات صعبة للغاية ونرجو ان تلحقو الأقتصاد المصري قبل ان ينهار الاخوان معطلين الدنيا والسياحة مضروبة ومعندناش غير دخل القناة فقط وهي لا تكفي لتعويم الحال.

 

وكانت المفاجئة حين رد عليه الحاكم العربي صغير السن نسبيا قائلا :

 

يا سيادة المشير اسف يا سيادة الرئيس حضرتك فاهمنا غلط أحنا معندناش نهر مصاري بنغرف منه ـ واحنا وأخواننا ارسلنا لسيادتك مع أخواننا ٢٥ مليار وده مبلغ مش قليل ها المبلغ تقريبا يعادل ميزانية دولة ولا نعرف حضرتك صرفت الفلوس دي في أية خلال ٦ شهور فقط – أحنا بنعمل اللي بنقدر عليه بمحبه لمصر ولشعبها لكن أحنا عندنا شعوب وفقراء مثلكم وعيونهم مفتوحة علي تصرفاتنا وما نبغي مشاكل مع شعوبنا ومع المعارضة- حضرتك تؤمر آحنا ممكن نرسل بترول لحل ازمة الوقود عندكم لكن برضه لفترة ومش ممكن يكون بشكل دايم – حضرتك اقتصاد الخليج لا يتحمل انه يأكل ويشرب ٩٥ مليون مصري وكنا ننتظر ان سيادتك تعمل مشاريع انتاجية بال ٢٥ مليار دولار وطبعا سيادتك ادري بظروفك لكن قدر ظروفنا.

 

وأضاف عفيفي أن المكالمة كانت طويلة حيث قال السيسي: هل ممكن تعملو صندوق للزكاة من مواطني الخليج لصالح مصر والتبرع لصندوق تحيا مصر وبالطريقة دي يبقي الشعوب هيه اللي بتتضامن مع الشعب المصري ومحدش يقدر ينتقد.

 

وقال الحاكم العربي بحسب عفيفي : والله ما يصير ها الشئ ولا يمكن نجبر شعوبنا بالتبرع بالزكاة لصالح صندوق تحيا مصر وطبعا رجال الدين حيفتو بعدم جواز الزكاة وأحنا عندنا فقراء وحيقولو انهم اولي بأموال الزكاة من مصر لكن خلينا نتشاور ولو ممكن مش حنتأخر عنك – وليه مبتاخد من المليونيرات المصريين هم اولي ببلدهم.

 

ورد السيسي بحسب عفيفي: المشكلة انهم ولاؤهم لجمال مبارك ومهربين معظم فلوسهم خارج مصر وفي دول خليجية وسموك عارف – ولو قرصت عليهم حيهربو ويسيبو المصانع حيطان فاضية ومعندناش فلوس نشغلها وحيبقي عندنا ٢ مليون عاطل حيعملونا مشاكل اكثر من اللي احنا فيها – وانا بحاول معاهم مره بالاحراج ومره بالذوق لكن لو قرصت عليهم حيوقعو البلد ويهربو ومش ممكن حييجي استثمارات لمصر لو اممت وصادرت ـ اقولك لسموك ايه عالم عاوزة الحرق لكن لازم اتصرف معاهم بحكمة لكن لو أضطريت اللي مش حييجي بعصاية موسي حييجي بعصاية الفرعون.

 

وأشار عفيفي إلي أن الحاكم العربي تأسف للسيسي عن عدم إمكانية دعم الاقتصاد المصري أكثر من ذلك .

 

وترجح التوقعات أن يكون الحاكم العربي المقصود بالمكالمة هو محمد بن زايد ولي عهد أبو ظبي، وعلى الرغم من تشكيك البعض في مصادر العقيد عمر عفيفي إلا أن هناك شبه إجماع على منطقية هذه المكالمة من حيث المضمون.

 

قد يعجبك ايضا

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد