السيسي بصراحة: لازم نعتقل (مصريين) علشان باقي الشعب (يعيش)

0

 

أكد الرئيس المصري عبد الفتاح السيسي وجود اعداد كبيرة من المعتقلين داخل السجون المصرية “مظلومين”, مشيراً إلى أن 4 دفعات من السجناء جرى الافراج عنهم خلال الفترة الماضية- حسب قوله.

وأضاف السيسي في تصريحات صحافية خلال حفل افطار في فندق الماسة بمدينة نصر ” إحنا بنأمن 90 مليون، أكيد فيه ناس هتيجي في الرجلين، ومكنتش أتمنى إن يكون فيه حد خالص محتجز في الأيام الكريمة دي في رمضان، بس فيه ناس مش سايبانا في حالنا، كان لازم نقبض على ناس علشان الباقيين يعيشوا، وإحنا بنحاول منقعش في الخطأ ده وبنصلح علشان ميتكررش”، في إشارة إلى معارضيه.. بحسب جريدة الوطن.

وفيما يتعلق بانتخابات البرلمان المؤجلة، دعا السيسي المصريين إلى الانتباه جيدا واختيار من يروا فيه مناسبا لحماية البلد قائلاً ” نقوا أعضاؤه زي ما يكون الواحد فينا بيختار عريس لبنته”.

وطلب السيسي من الشعب المصري وبغلته العامية ” ما تجاملوش حد يا مصريين، دي دورة واحدة ومرة واحدة، إنت بتختار إنسان بتوليه أمرك وتديله زمامك، إعملوها كويس مرة واحدة، أنا مليش مصلحة في حاجة، غير مصلحة البلد، أنا عايز البلد تقوم وتنجح ويبقى فيه حلم جميل لأولادنا وأحفادنا، والبرلمان هينعقد إن شاء الله قبل نهاية السنة، ولو متنقاش واخترناه بمنتهى التجرد والوعي إحنا اللي هندفع التمن، لأننا بنديله مصر”، على حد قوله.

- Advertisement -

 

قد يعجبك

قد يعجبك ايضا

اترك رد

لن يتم نشر عنوان بريدك الإلكتروني.